Mərkəzi Nəbatat Bağının Qida və dərman bitkiləri laboratoriyasının böyük elmi işçisi, biologiya üzrə fəlsəfə doktoru Aynur Ərəbzadənin müəllifi olduğu “Alma növlərinin Abşeronda introduksiyası” adlı yeni monoqrafiyası işıq üzü görüb.

Monoqrafiya Mərkəzi Nəbatat Bağının ərazisində mövcud olan və yeni introduksiya olunmuş alma (Malus Mill.) növlərinin morfo-anatomik, böyümə və inkişaf, çoxaldılma xüsusiyyətləri, fenelogiyası, məhsuldarlığı, meyvələrinin kimyəvi tərkibi, xəstəlik və zərərvericiləri, onlara qarşı mübarizə üsulları, dekorativ bağçılıqda və təsərrüfatın müxtəlif sahələrində istifadəsi üçün perspektivli növlərin seçilməsinə həsr edilib.

Monoqrafiya botaniklər, introduktorlar, ekoloqlar, biologiya və aqrar elmləri ixtisasları üzrə müəllim və tələbələr üçün nəzərdə tutulub.