Azərbaycan Respublikasının Milli Məclisi qərara alır:

“Azərbaycan Respublikasının Milli Məclisi yanında Toponimiya komissiyasının tərkibi haqqında” Azərbaycan Respublikası Milli Məclisinin 2020-ci il 30 mart tarixli 33-VIQR nömrəli Qərarında aşağıdakı dəyişikliklər edilsin:

1. “Məmmədov Ramiz Mahmud oğluAMEA-nın akademik H.Əliyev adına Coğrafiya İnstitutunun direktoru, akademik;

Məşədiyev Qara İbrahim oğlu  AMEA-nın Nəsimi adına Dilçilik İnstitutunun Müasir Azərbaycan dili şöbəsinin baş elmi işçisi, filologiya elmləri doktoru, professor;”

sözləri aşağıdakı sözlər ilə əvəz edilsin:

“İmanlı Akif Kazım oğlu  AMEA-nın Nizami Gəncəvi adına Ədəbiyyat İnstitutunun baş elmi işçisi, filologiya elmləri doktoru, professor;

Abışov Elşad Şərəfxan oğlu  AMEA-nın Nəsimi adına Dilçilik İnstitutunun aparıcı elmi işçisi, filologiya üzrə fəlsəfə doktoru, dosent;”

2. “İmanov Emin Dürhəsən oğluMilli Məclis Aparatı rəhbərinin xidmətinin Ərazi vahidlərinin və bələdiyyələrin dövlət reyestri sektorunun müdiri.”

sözləri aşağıdakı sözlər ilə əvəz edilsin:

“Məmmədzadə Aqşin Təvəkkül oğlu Milli Məclis Aparatının Dövlət quruculuğu, inzibati və hərbi qanunvericilik şöbəsinin İnzibati ərazi və bələdiyyə məsələləri üzrə qanunvericilik sektorunun müdiri.”

Azərbaycan Respublikası Milli Məclisinin Sədri Sahibə Qafarova

Bakı şəhəri, 5 aprel 2022-ci il