Bu gün AR ELM və Təhsil Nazirliynin Botanika İnstitutunda 8 Mart – Beynəlxalq Qadınlar Gününə həsr olunmuş tədbir keçirilib.

Tədbiri institutun icraçı direktoru, b.e.d., Şakir Qasımov açaraq qadın əməkdaşları Beynəlxalq Qadınlar Günü münasibətilə təbrik edib, Azərbaycan cəmiyyətində və ailədə qadınların rolundan danışıb.

Sistematika və biomüxtəliflik şöbəsinin müdiri, b.e.d., dosent Aydın Əsgərov qadın əməkdaşlarının elmi fəaliyyətlərindən bəhs edib. İnstitutun elmi fəaliyyətində qadınların rolunu yüksək qiymətləndirən alim, botanika elmini fundamental araşdırmaları ilə zənginləşdirən qadın alimlərimizin adlarını sadalayıb.

Botanika İnstitutunun baş direktoru, b.e.d. professor Səyyarə İbadullayeva qadınların ölkəmizin ictimai-siyasi, təhsil, səhiyyə, elm və mədəniyyət sahələrində fəal iştirakından danışıb. Ailənin möhkəmlənməsində xanımların rolunun mühüm olduğunu xüsusilə qeyd edib.

Eksperimental botanika şöbəsinin müdiri, b.ü.f.d. Ələddin Qədimov, Mikologiya şöbəsinin müdiri, b.e.d. Dilzarə Ağayeva, Həmkarlar Təşkilatının sədri, b.ü.f.d. Şəkər Muxtarova, Qadınlar Şurasının sədri, b.ü.f.d. Aygun Məmmədova, Ağsaqqallar Şurasının sədri, b.ü.f.d. Ağa Ağayev, və GAMŞ-ın sədri, b.ü.f.d. Aydan Zeynalova çıxış edərək 8 Mart  bayramı münasibətilə qadınları təbrik ediblər.

Sonda institutun Həmkarlar Təşkilatı qadın əməkdaşlara hədiyyələr təqdim edib.