Botanika İnstitutunun əməkdaşları, biologiya elmləri doktoru, dosent Sevda Alverdiyeva və biologiya üzrə fəlsəfə doktoru, dosent Xuraman Xəlilova “Azərbaycanda ətraf mühitin sağlamlaşdırılmasında Ümummilli Lider Heydər Əliyevin rolu” mövzusunda elmi-praktik konfransda çıxış edib. Azərbaycan Milli Elmlər Akademiyasının, AR Ekologiya və Təbii Sərvətlər Nazirliyinin və Elm və Təhsil Nazirliyinin birgə təşkilatçılığı ilə keçirilən tədbir çərçivəsində Mərkəzi Elmi Kitabxanda 8 seksiya iclası keçirilib.
“Azərbaycanın ətraf mühit problemləri, bioloji müxtəlifliyin qorunması, ekoloji monitorinq məsələləri” üzrə seksiya iclasında S.Alverdiyeva “Xaçmaz rayonun lixenobiotasının biomüxtəlifliyi", X.Xəlilova isə "Ətraf mühitin qeyri-əlverişli şəraitinə qarşı mübarizədə bioloji yanaşmalar" mövzularında məruzə ilə çıxış edib, mövzu ətrafında müzakirələr aparılıb, suallar cavablandırılıb.