•   Qəbul qaydaları
  İxtisaslaşma seçimi
  Qeydiyyat
•   Elanlar
•   Magistrantların portfoliosu

     Təhsilalma formasından asılı olmayaraq, hər hansı bir ixtisaslaşmaya yerləşdirilmiş bakalavr tələb olunan sənədləri DİM tərəfindən müəyyən edilən 10 günədək müddətdə qəbul olduğu AMEA Elm Təhsil İdarəsi Magistratura şöbəsinə təqdim etməklə qeydiyyatdan keçməlidir. Bakalavrın bu müddətdə AMEA-da qeydiyyatdan keçməməsi onun yerləşdirildiyi ixtisaslaşma üzrə təhsil almaqdan imtina etməsi kimi qiymətləndirilir. Bu bakalavrların ixtisaslaşmaların boş qalan yerlərinə keçirilən müsabiqədə iştirak etməsinə icazə verilmir.

     AMEA-da qeydiyyatdan keçmək üçün aşağıdakı sənədlər tələb olunur:

• şəxsiyyət vəsiqəsinin əsli və surəti;
• bakalavr diplomunun əsli və surəti (cari ilin məzunları üçün bakalavr kursunu tam başa vurması haqqında ali təhsil müəssisəsindən arayış);
• 4 ədəd fotoşəkil (3×4 sm).

     Magistraturaya qəbul olmuş bakalavrların qeydiyyatı DİM tərəfindən elan edilən müddətdə aparılır.